2025-жылдын январь айынан май айына чейин Кыргызстандагы ири долбоорлорго инвестициянын жалпы көлөмү 89,8 миллиард сомду түздү. Бул 2024-жылдын ушул мезгилине салыштырмалуу 55%га көп. Мындай маалыматты КР Экономика жана соода министрлиги билдирди.

Инвестициялардын өсүшү ички каражаттардын эсебинен да болгон – алар 61%га, чет өлкөлүк инвестициялардын эсебинен – 14%га өскөн.

Акчанын басымдуу бөлүгү (89%ке жакыны) тоо-кен казып алуу, кайра иштетүү өнөр жайы, энергетика (электр энергиясы, газ, буу жана кондициялоо), байланыш, билим берүү жана турак жай куруу сыяктуу тармактарды курууга жана өнүктүрүүгө жумшалган.

Эң көп каражат жумшалган негизги багыттарга төмөнкүлөр кирет:

• «Менин үйүм» программасынын алкагында турак жай куруу;
• Кант цемент заводунда цемент чыгаруучу жацы линия;
• MegaCom жана О!нун уюлдук байланыш тармактарын өнүктүрүү жана өркүндөтүү компаниялар;
• мектептерди, спорттук объектилерди жана туристтик инфраструктураны куруу жана оңдоо;
• Бишкек шаарында шаардык инфраструктураны өнүктүрүү.

Ошондой эле бул мезгилде курулуш иштеринин жалпы көлөмү 48%га өсүп, дээрлик 86 млрд сомду түздү.

Курулуш сектору өлкөнүн экономикасынын өсүшүнө оң салым кошту – болжол менен 2,44 пайыздык пункт. Учурда курулуш ИДПнын жалпы көлөмүнүн 6,6%ке жакынын түзөт.

Бул көрсөткүчтөр Кыргызстандын экономикасы чыңдалып, инфраструктура жана элдин жашоо сапаты акырындап жакшырып баратканын көрсөтүп турат.