17-май күнү Ош шаарында Энелер күнүнө карата кыз-келиндер күрөшү боюнча ачык чемпионат болуп өттү. Иш-чарага Ош шаарынын вице-мэри Салтанат Абдылдаевна Аманова, Ош шаарынын Аялдар күрөшү федерациясынын президенти Исаева Гүлназ Назарбаевна, шаардык кеңештин депутаты Азамат Талантбекович Тургунбаев катышты.

Мелдештин ардактуу коногу легендарлуу спортчу Айсулуу Тыныбекова – дүйнөнүн үч жолку чемпиону, Азиянын алты жолку чемпиону, Олимпиада оюндарынын күмүш жана коло байге ээси, «Даңк» жана «Манас» ордендеринин ээси, Кыргыз Республикасынын Эмгек сиңирген спорт чебери болду.

Турнирге Кыргызстандын бардык 7 облусунан, ошондой эле Бишкек жана Ош шаарларынан 350 жаш спортчу катышты. Мелдешке коңшу Өзбекстандан да катышуучулар келишти.