Кыргыз Республикасынын Суу чарба, айыл чарба жана кайра иштетүү өнөр жай министрлиги өлкө ичинде да, чет өлкөдө эмгек миграциясында жүргөн жарандарга да түшүмсүз жерлерди активдүү өздөштүрүүсүн сунуштайт.

Мисал катары Баткен облусунун Кадамжай районундагы Молдо-Нияз айылындагы фермер Толубай Жалиловду айтсак болот. Ал эми түшүмдүүлүгү төмөн жайытты 20 жылга ижарага алып, заманбап технологиялар менен өздөштүрүүнү ийгиликтүү баштаган. Дыйкан какыраган жерге 4,5 миң түп өрүктүн үч сорттуу көчөттөрүн отургузуп, туруктуу жана сапаттуу сугарууну камсыз кылган тамчылатып сугаруу системасы менен сыйымдуулугу 6,5 миң метр куб суу сактагыч куруп берди.

Толубай Жалилов 1-2 гектар жер иштетүүнү каалагандарды чакан кооперативдерге бириктирүү чыгымдарды азайтып, кирешени көбөйтүүгө өбөлгө болорун белгилейт. Өрүктүн көчөттөрү түшүм бере элек болсо, ал жерге коон, помидор, бадыраң эгилип, ансыз деле киреше алып келүүдө.

Министр Бакыт Төрөбаев түшүмдүүлүгү төмөн жерлерди өздөштүрүү боюнча демилгелерди жеке өзү колдойт. Республика боюнча 614 миң гектарга жакын мындай жерлер айыл чарбасын өнүктүрүүгө жана Кыргызстанды калктын туруктуу кирешеси бар жашыл аймакка айландыруу үчүн чоң потенциалы бар жерлер аныкталган.