БОРБОР АЗИЯ, 04-май, 2025-жыл – Кербен маалыматы.АКШнын Мамлекеттик департаментинин басма сөз катчысы Тэмми Брюс 1-майда маалымат жыйынында Ооганстан, Орусия жана Венесуэла сыяктуу өлкөлөрдө дагы америкалык туткундар жакын арада бошотуларын билдирди.

Ал белгилегендей, жаңы туткундарды бошотуу жараяны "дипломатиялык" каналдар аркылуу жүргүзүлүп, Дональд Трамптын президенттигинин алгачкы 100 күнүндө 47 америкалык бошотулган.

АКШ буга чейин сүйлөшүүлөрдөн кийин ооган түрмөлөрүндөгү кеминде төрт жаранын бошоткон. Брюс учурда талиптердин өкүлдөрү менен сүйлөшүүлөр жүрүп жатканын тактабаганы менен, ал америкалык туткундарды "Талибандын туткунунан" бошотуу "дипломатия" аркылуу ишке ашарын баса белгиледи.

Буга чейинки бир окуяда эки америкалык Райан Корбетт жана Уильям Уоллес Макконти Хан Мохаммад аттуу талип мүчөсүн бошотуу үчүн бошотулган.

Талибандын тышкы иштер министрлиги бул алмашуу Катардын ортомчулугу менен кыймыл менен АКШнын ортосундагы “узак жана конструктивдүү” сүйлөшүүлөрдүн натыйжасы болгонун билдирди.

Кошумчалай кетсек, 2025-жылдын 20-мартында Ооганстанда эки жарым жылдан бери камакта жаткан АКШ жараны Джордж Глезманн Кабулга АКШ президентинин туткундар иштери боюнча атайын өкүлү Адам Бейлер жетектеген делегация келгенден кийин бошотулган.

Кийинчерээк апрелдин башында дагы бир америкалык жаран Ф.Д. Холл бир нече жумалык туткундан кийин талиптердин камагынан бошотулган.

"Ооганстанда кармалган ар бир америкалык жана дүйнө жүзүндөгү башка жарандарыбыз мекенине кайтмайынча биз токтобойбуз".
АКШнын мамлекеттик катчысы Марко Рубио: "Биз камалган америкалык жарандарды кайтаруу боюнча ишти улантып жатабыз" деди.

Сүрөт: Караван Инфонун өнөктөштөрү