2025-жылдын 18-июнунда социалдык тармактарда жарандардын видео кайрылуусуна ылайык, экологиялык жана техникалык көзөмөл башкармалыгынын Бишкек шаары жана Аламүдүн району боюнча инспекторлору пландан тышкаркы текшерүү жүргүзүшкөн.

Текшерүүнүн жыйынтыгында Бишкек шаарынын Свердлов районунун Аламүдүн айыл өкмөтүндө жайгашкан «Сантех-сервис Аламүдүн» муниципалдык ишканасы экологиялык жана техникалык коопсуздук талаптарын бузгандыгы аныкталган. Ишкана Аламүдүн районунун калкынан чогулган саркынды сууларды дренаждык системага агызып, жер астындагы суулардын булганышына алып келген.

Бул мыйзам бузуу үчүн Кыргыз Республикасынын «Жол бузуулар жөнүндө» кодексинин 236-беренесине ылайык ишканага 28 000 сом өлчөмүндө административдик айып салынган.

Учурда «Бишкексууканал» муниципалдык ишканасы тарабынан мыйзам бузуунун кесепеттерин ыкчам жоюу чаралары көрүлүүдө.

Экологиялык жана техникалык көзөмөл кызматы мыйзам талаптарынын аткарылышын көзөмөлдөөнү улантат.