АСТАНА, 30-апрель – «Караван Инфо» МА.Президент Касым-Жомарт Токаевдин Казакстан элинин ассамблеясынын XXXIV сессиясында сүйлөгөн сөзү бүткүл коом үчүн маанилүү билдирүү болуп калды. Мындай пикирин агенттикке берген маегинде Россиянын Казакстан Республикасындагы Атайын жана Ыйгарым укуктуу элчиси Алексей Бородавкин «Евразиялык диалог. Казакстан – жаңы горизонтторду издөө» эл аралык тегерек столунун жүрүшүндө билдирди.

Орус дипломатынын айтымында, мамлекет башчысы улуттар аралык ынтымакты жана маданий көп түрдүүлүктү чыңдоо багытынын өзгөрүлбөстүгүн ачык белгиледи.

"Президент ачык айтты: ар бир жаран өз эне тили деп эсептеген тилде сүйлөө укугуна ээ. Бул укук кол тийгис жана аны бузууга же тил маселесин деструктивдүү максатта колдонууга болгон ар кандай аракеттерге катуу бөгөт коюлат", – деп белгиледи Бородавкин.

Элчи Казакстанда бардык этностордун эркин өнүгүшү үчүн шарттар түзүлгөнүн: достук үйлөрү, окуу борборлору, улуттук бирикмелер иштеп жатканын баса белгиледи. Мунун бардыгы граждандык тынчтыкты чыцдоого кызмат кылат.

Алексей Бородавкин ошондой эле Токаевдин сөзүндөгү тышкы саясатка басым жасады. Президент Орусия менен стратегиялык өнөктөштүктү ырастап, Кытайды ишенимдүү кошуна, ал эми Борбор Азия өлкөлөрүн бир тууган деп атады. Анын айтымында, Казакстан чынчыл эл аралык диалогду жана кош стандарттарды четке кагууну жактайт.

"Президенттин кайрылуусу ачык-айкын: Казакстан ачыктык, теңчилик жана жоопкерчилик жолу менен барат. Бул ички туруктуулук үчүн да, тышкы өнөктөштөр үчүн дагы маанилүү белги", – деп баса белгиледи дипломат.

Сүрөт: “Караван инфо” АА