Астролог Андрей Рязанцев “Караван-Инфонун” окурмандары үчүн: Жылдыз белгилери боюнча 2025-жылга астрологиялык төлгө.

Кой – жылдын башы эс алууга жана ден соолукту калыбына келтирүүгө ыңгайлуу. Талаш-тартыштарга жана чыр-чатактарга аралашпоо маанилүү, анткени алардын кесепеттери апрель айынын экинчи жарымында билиниши мүмкүн.  Январь айында күчүңүздү, ден соолугуңузду калыбына келтирип, уруш-талаштардан алыс болуп, ишке жигердүү киришиңиз. Биринчи жарым жылдык казынаны толуктоого, кошумча киреше булактарын түзүүгө ыңгайлуу.

Февраль жана март айларында мурда колдон чыгарып жиберген мүмкүнчүлүктөрдү пайдалана аласыз, май айында жаңы бизнес жана долбоорлор башталышы мүмкүн. Майдын экинчи жарымында жашоонун динамикасы кескин өзгөрөт. Жашооңузда саякаттар жана көңүл көтөргөн сапарлар көп болот. Жайында алган таанышуулар жана билимдер сентябрь жана октябрь айларында кирешенин жаңы деңгээлине чыгууга жардам берет. Жеке жашооңузду июлда же ноябрь, декабрда жөнгө салуу эң оңой болот.

Букачар – январь айында өзүңүзгө жаңы жылдык атмосферадан жана кышкы жомоктон ырахат алууга мүмкүнчүлүк бериңиз. Жумушуңузга өтө берилип кетсеңиз, демилгелериңизге жетекчилик жана таасирдүү адамдар тарабынан каршылыктар болушуңуз мүмкүн. Комментарий берүүдөн алыс болуңуз. Антпесе, бул кылганыңыз апрель айында документ алууда жана таасирдүү адамдар менен баарлашууда кыйынчылык жаратышы ыктымал.

Февраль, март жана май айлары жаңыланууга ыңгайлуу. Пайда болгон идеялар жашоодо, өзгөчө сиздин социалдык чөйрөңүздө көп нерсени өзгөртөт. Пландаштырылбаган узак сапарлар болушу мүмкүн. Жайында каржылык абалыңызды жакшыртып, сентябрь, октябрь айларында күтүлүп жаткан эс алуу саякаттарына жана иш сапарларга даярдана аласыз. Окууга болгон умтулуу сизге өзгөрүп жаткан дүйнөгө ыңгайлашууга жана кирешенин туруктуулугуна ээ болууга мүмкүндүк берүүчү билим алууга жол ачат.

Эгиздер – жылдын башында ар кандай тааныштар сизди шашылыш аракеттерге түртөт. Январда сезимдериңиз жана каалоолоруңуз менен ойноп, алар кооптуу жана кымбат баалуу демилгелерге катышууну сунушташат. Азгырыктарга алдырсаңыз, апрель айында көпкө түшөсүз. Саякаттоодо этият болуңуз.

Февраль жана март айларында карьералык өсүү жана кирешени көбөйтүү үчүн жакшы мүмкүнчүлүктөр болот, бирок бул үчүн аракет кылып, май айында пайда боло турган таасирдүү адамдар менен сүйлөшүүлөрдүн жыйынтыгын күтүүгө туура келет. Алган кеңешиңизге жана өзүңүздүн интуицияңызга көңүл буруңуз. Акылдуу жана салмактуу тактика көз ирмемдик пайда үчүн туура жолдон тайбоого жана сентябрь-октябрь айларында татыктуу ийгиликтерге жетишүүгө мүмкүндүк берет.

Бөйөн – жылдын биринчи айында тажрыйбанын жана керектүү маалыматтын жетишсиздигинен каржылык иштер тобокелчиликке толот. Инвестиция жана сатып алуу маселелеринде башка адамдардын пикирине ишенүүгө шашпаңыз, алар апрель айында жоготуулар менен кайтып келиши мүмкүн. Февраль жана март айларында достордун жана жаңы тааныштардын оригиналдуу идеяларынын аркасында биргелешкен долбоорлор түзүлүп, май, июнь айларында жаңы билимдерди алууга жана өнүктүрүүгө умтулушуңуз мүмкүн.

Июль жана август айларында алыскы сапарларга чыгып, чөйрөңүздүн кеңейте аласыз. Күзүндө жаңы күч менен баштаган долбоорлоруңузду, жазда пайда болгон идеяларды ишке ашырууну улантасыз. Онлайн тренингдер жана конференциялар да сиз каалаган максаттарга жетүүгө жардам берет. Жылдын аягында жыйынтык чыгарып, 2026-жылы баштаган ишиңизди жаңы күч менен уланта аласыз.

Арстан – январь айында кышкы көз караштардан ырахат алып, ден соолугуңузду сактоо үчүн профилактикалык процедуралардан өтүңүз. Мүнөзүңүздү көрсөтө берсеңиз бизнес өнөктөштөрдү да, үй-бүлө мүчөлөрүн да өзүңүзгө каршы кылып аласыз. Январь айында орунсуз жаралган жаңжал апрель айында кайрадан өзү тууралуу кабар берет. Февраль жана март айларындагы акылман стратегиянын аркасында чыр-чатактардан алыс болуп, профессионалдык позицияңызды бекемдеп, май айында ырааттуу жакшы кирешеге жетесиз.

Бир калыптагы жай айы жакшы эс алууга жана жакындарыңыз менен баарлашууга мүмкүнчүлүк берет. Чатактан кийинки байланыш калыбына келет. Күзүндө тынч отурууга туура келет. Чөйрөңүздөгү олуттуу өзгөрүүлөр сизди жаңы долбоорлорду иштеп чыгууга жана жаңы билим алууга түртөт. Октябрда жана декабрда ири сатып алууларды жасап жана алыскы сапарга чыгышыңыз мүмкүн. 

Бийкеч – жаңы жылдык атмосферадан күнүмдүк жашоого жеңил өтөсүз. Эгер сиз жумушта өзгөрүүлөргө баш-отуңуз менен кирип кетсеңиз, күчүңүзгө ашыкча баа берип алып, андан улам ден соолугуңузда көйгөйлөр жаралышы мүмкүн. Түзүлгөн кыйынчылыктар апрель айында биротоло чечилет.

Ишке жеңил өтүү февраль, март жана май айларында күтүлүп жаткан маанилүү жолугушуулар жана сапарлар үчүн энергияны сактап калат. Бул жаңы жана эски тааныштардын колдоосу менен ишке ашырыла турган жаңы идеялардын пайда боло турган учуру. Билим алууда олуттуу бурулуш күтүлүүдө. Жайдын биринчи жарымы жеке жашооңузга жагымдуу өзгөрүүлөрдү алып келет. Таанышууларга же көптөн бери уланып келе жаткан мамилелерди бекемдөөгө ылайыктуу учур. Сентябрь жана октябрь айлары оригиналдуу идеяларды ишке ашырууга, таанылууга жана кирешени көбөйтүүгө дагы бир мүмкүнчүлүк берет. Жыл аяктаганда, 2025-жылы жыл бою күткөн сапар ишке ашып, жолго чыгышыңыз мүмкүн. 

Тараза – жылдын башында тааныштар менен кесиптештердин ашыкча өжөрлүгүнөн сак болуңуз, анткени алар сизге ойлонууга да убакыт бербей, жагымсыз оюн эрежелерин таңуулоого аракет кылып жатышат. Жооп берерден мурун тыныгуу алып жана жакшылап ойлонуу кажет, анткени шашылыш чечимдерден улам жаздын ортосунда кыйынчылыктар жаралышы мүмкүн.

Кыштын аягы жана жаздын башы үй-бүлө мүчөлөрүнө жага турган жаңы хоббилерди тартуулап, үйдөгү түшүнбөстүктөрдү жоюп, мамилелерди жакшыртат. Эмоционалдык көтөрүлүүнүн толкунунда сиз үйүңүздүн интерьерин өзгөртүүнү, ошондой эле бизнесиңизге жаңы нерсени алып келүүнү каалайсыз. Май жана июнь айларында жетишилген ийгиликтер күзүндө бекемделет, ал эми декабрда 2026-жылы аткарыла турган кийинки кадамдарды карап чыгуу зарыл.

Чаян – жылдын биринчи айында баарлашуу жана саякаттоо жакшы маанайды жаратат, анын аркасында 2025-жылы көп нерсеге жетише аласыз. Жетекчилик жана үй чарба мүчөлөрү менен талашып-тартышып, мамилелерди бузуп албоо гана маанилүү. Тутанган жаңжалдар апрель айында дагы кызыйт. Керексиз түйшүктөрдөн алыс болсоңуз, февраль, март айларында оригиналдуу идеялар менен башкаларды таң калтырасыз. Жашоону өзгөрткөн алыскы сапарлар жана аң сезимди кеңейтүүчү окуулар болушу мүмкүн.

Май, июль, сентябрь айларында жеке мамилелердеги көп нерсени өзгөртүүгө мүмкүнчүлүк түзүлөт. Ачык сүйлөшүү ишенимдүү мамилелерди курууга жардам берет. Кызыктуу сапарларга чыгууга убакыт келди. Октябрь айында жумушта, окууда же жеке бизнесте демилгени колго алыңыз. Күчтүүлүгүңүз жыл аягында күтүлгөн ийгиликти камсыздайт.

Жаачы – жыл башында маалыматтын көптүгү башыңызды айлантышы мүмкүн, бирок баарлашуулардан, алыскы сапарлардан пайда аз болот. Тынымсыз түйшүк январь айында да, апрелде да ден соолугуңузга зыян келтириши мүмкүн. Февраль айында каржы агымы акырындайт, бирок көлөмү көбөйө баштайт, март жана май айларында пландарыңызды жана кыялдарыңызды ишке ашырууга мүмкүнчүлүк түзүлөт.

Негизги максатыңыз – чыгашаларыңызды башкарууну үйрөнүү жана ал үчүн июнь жана сентябрь айларында ойлонулган жана маңыздуу кадамдарды жасай аласыз. Туура приоритеттүүлүк сентябрь жана октябрь айларында үйүңүзгө жана үй-бүлөңүзгө керектүү сатып алууларды жасоого гана эмес, жыл аягына чейин киреше алып келе турган өнүгүүгө акча салууга мүмкүндүк берет.

Текечер – январь айында мода, көңүл ачуу жана инвестиция тармагында пайда болгон тенденцияларды карманууга аракет кылып, акчаны асманга чачып салышыңыз мүмкүн дагы, бюджетиңизде чоң тешик пайда болот. Анан аны май айына чейин жамап отурасыз. Акчаны коротпой сактап турсаңыз, бир аз кийинирээк ийгиликтүү пайдалана аласыз, ал эми февраль, март айларында билимге ээ болуп, достук мамилени чыңдап, сүйүктүүңүздүн жүрөгүнө жол табасыз.

Май жана июнь айларында жемиштүү сапарларга чыгууңуз мүмкүн. Пландарыңызды ийгиликтүү ишке ашырып жатканыңызда, жакындарыңыз чечимдер алардын катышуусуз кабыл алынып жатканынан улам июль айында өздөрүн керексиз сезиши мүмкүн. Жаңы иш баштоодон же эс алууну уюштуруудан мурда досторуңуз, үй-бүлө мүчөлөрүңүз жана жакындарыңыз менен сүйлөшүңүз. Ошондо алар эч кандай тоскоолдуктарды жаратпайт жана сиздин ишенимдүү шериктештериңизге айланат. Сиздин жетекчилик астында биргелешкен чыгармачылык изденүү күзүндө көптөгөн пайдалуу жемиштерди алып келет.

Суу пери – январь айында таптакыр карама-каршы пикирлер бизнес-өнөктөштөр менен да, үй-бүлө мүчөлөрү менен да маанилүү маселелерди талкуулоодо бут тосууга айланат. Компромисс табууга даяр эместик апрель айында дагы айрым чыр-чатактарды жаратышы мүмкүн. Бирок февраль жана март айларында каржылык абалыңызды бир топ жакшырта аласыз жана бул учурда жетекчиликтин жана таасирдүү адамдардын жардамы пайдалуу болот.

Талаш-тартыштарды жакшы мезгилге калтырып, казынаны толтуруңуз, документтерге байланышкан маселелерди чечиңиз. Кырдаалдын ийгиликтүү айкалышы май айында пландарыңызды ишке ашырууга жардам берет. Июль жана сентябрь айларында сатып алууларга жана башталган долбоорлорду өнүктүрүүгө акча табылат, маанилүү документтерге кол коюлат. Күздүн экинчи жарымында жана декабрь айында карьераңызда олуттуу жылыштар болушу мүмкүн.

Балыктар – жылдын биринчи айында достук мамилелерди өнүктүрүңүз, өз идеяларыңызды сунуштаңыз, креативдүү идеяларды ишке ашырыңыз. Татаал жана кооптуу жумушка ашыкча берилип кетүүгө шашпаңыз. Мунун баары ден соолугуңузга таасир этиши мүмкүн, айрыкча апрель айында. Жумушту алмаштырууга да шашпаңыз. Февраль, март жана апрель айларында январь айында башталган долбоорлордун алгачкы жыйынтыктарын ала аласыз. Жаңы жыл алдында айтылган тилектер орундала баштайт.

Жеке жашооңузда олуттуу өзгөрүүлөр болушу мүмкүн. Эгер жан шеригиңизди таба элек болсоңуз, ал оң жагына чечилерине убакыт келди. Адаттагыдан көбүрөөк саякаттоо күтүлөт. Жайында сентябрь жана октябрдагы өзгөрүүлөрдү алдын ала аныктаган маанилүү жаңылыктар келет. Сиз кыялданбаган узак сапарлар болушу мүмкүн. Чет өлкөдө окууну же иштөөнү улантууга мүмкүнчүлүк түзүлөт.

Төлгөнүн автору – астролог Андрей Рязанцев, астрологдордун INASTROS эл аралык уюмунун мүчөсү тел. +996 555  525 052  e-mail:  andrey_ar@mail.ru

Ақпарат көзі: сайт https://caravan-info.kg/