Кыргыз Республикасынын Министрлер Кабинетинин Төрагасынын орун басары – Суу чарба, айыл чарба жана кайра иштетүү өнөр жай министри Бакыт Төрөбаев Чүй облусуна болгон жумушчу сапарынын алкагында суу чарба муктаждыктары үчүн республикалык бюджеттин эсебинен сатылып алынган жаңы адистештирилген техникалар менен таанышты.

Кыргыз Республикасынын Министрлер Кабинетинин 2023-жылдын 15-мартындагы № 108-р буйругун ишке ашыруу максатында Чүй облусунун Суу чарба башкы башкармалыгынын балансына XM-150 үлгүсүндөгү үч өзү жүрүүчү экскаватор, ошондой эле атайын техникаларды ташуу үчүн эки лобалка кошулду.

Жабдууларды бөлүштүрүү:

1 бирдик – Москва райондук суу чарба башкармалыгына;
1 бирдик – Жайыл райондук администрациясына;
Чүй облусунун Суу чарба башкы башкармалыгынын базасында 1 бирдик калат.

"Заманбап атайын техникаларды алуу – бул суу чарба системасын модернизациялоодогу маанилүү кадам. Дреджерлердин жардамы менен биз ирригациялык каналдарды тез арада тазалап, калыбына келтире алабыз, бул дыйкандарды сугат суу менен туруктуу камсыздоого түздөн-түз таасирин тийгизип, айыл чарба өсүмдүктөрүнүн түшүмдүүлүгүн жогорулатат. Өлкөнүн айыл чарба тармагы туруктуу жана натыйжалуу өнүкпөшү үчүн техникалык базаны чыңдайбыз".