Бишкекте улуттук спорттук оюн болгон ордо боюнча мектеп лигасынын шаардык этабы болуп өттү. Турнирге шаардын төрт районунда квалификациялык мелдештерден өткөн 16 мыкты команда катышты. Финалдык оюндар достук кырдаалында өттү.

Иш-чараны Бишкек шаарынын мэриясынын дене тарбия жана спорт, туризм жана жаштар иштери боюнча башкармалыгы уюштурду.

Мелдештин максаты сергек жашоого үндөө, жаштардын улуттук спортко болгон кызыгуусун күчөтүү жана мектеп окуучуларынын дене тарбия чеберчилигин өнүктүрүү болгон.

Турнирдин жеңүүчүлөрү:

• 1-орун – №59 орто мектеп (Ленин району);
• 2-орун – №79 орто мектеп (Ленин району);
• 3-орун – Бишкек шаарынын №1 мектеп-интернаты (Биринчи Май району).

Турнир жаш муундардын арасында салттуу маданиятты сактоо жана жайылтуудагы маанилүү кадам болуп калды. Жеңүүчүлөр кубок, медалдар жана дипломдор менен сыйланышты.