Бишкектеги "Газпром-Балдар" спорттук-эс алуу комплексинде Балдарды коргоонун эл аралык күнүнө арналган төртүнчү "Жеткинчек" спартакиадасы өтүүдө. Бул тууралуу мэриянын басма сөз кызматы билдирди.
Мелдеш 2025-жылдын 27-майынан 31-майына чейин спорттун 7 түрү: грек-рим күрөшү, эркин күрөш, дзюдо, таэквондо, бокс, футбол жана шахмат боюнча өтөт.
Иш-чаранын максаты – сергек жашоого үндөө жана балдарды жана өспүрүмдөрдү системалуу дене тарбия жана спортко тартуу.
Иш-чара Кыргыз Республикасынын Президентинин “Инсанды руханий-адептик жактан өнүктүрүү жана дене тарбия концепциясын бекитүү тууралуу” жарлыгын ишке ашыруунун алкагында өткөрүлүүдө.
Фестивалды Бишкек шаарынын мэриясынын Дене тарбия жана спорт, туризм жана жаштар иштери боюнча башкармалыгы уюштурууда.