Коомдук тамактануу жайларында санитардык кароодон етуу маселеси ишкана ээлерин да, керектеечу-лерду да тынчсыздандырууда. Мындай текшерүүлөр кандай жүргүзүлүп жатканын Бишкектеги Мамлекеттик санитардык-эпидемиологиялык көзөмөлдөө борборунун тамак-аш гигиенасы бөлүмүнүн санитардык дарыгери Гүлзат Асанакунова так айтып берди.

Кафелердин, ресторандардын жана дүкөндөрдүн ишин пландуу текшерүү Кыргыз Республикасынын Экономика министрлиги менен макулдашылган бекитилген графикке ылайык жүргүзүлөт. Текшерүүлөр коомдук тамактануу жайларын, базарларды жана соода түйүндөрүн камтыйт. Текшерүүгө чыгуунун алдында санитардык буйрук түзүлөт, ал текшерүү үчүн негиз болот.

Бишкек санитардык-эпидемиологиялык станциясынын кызматкерлери келгенден кийин өздөрүн тааныштыруу жана текшерүү китебин талап кылууга милдеттүү, анда баруунун максаты – пландуу же пландан тышкаркы текшерүү көрсөтүлгөн. Негизги пункттардын бири суу менен камсыздоо жана канализациянын болушу, өзгөчө, эгерде кафе же ресторан турак жайдын биринчи кабатында жайгашкан болсо. Мындай учурда жыттарды жана жашоочуларга ыңгайсыздыктарды болтурбоо үчүн вентиляциялык системанын болушу шарт.

Саат 22:00дөн кийин унчукпай туруу мыйзамын сактоого өзгөчө көңүл бурулууда. Ар кандай ызы-чуу, анын ичинде музыка, бузуу болуп эсептелет. Бул нормалар сакталбаса, ызы-чуу үчүн эле 28 миң сом айып салынат.

Текшерүүнүн жүрүшүндө аныкталган санитардык нормаларды бузуу администрациялык жоопкерчиликке, анын ичинде айып салууга жана кемчиликтерди оңдоого буйрук берүүгө алып келиши мүмкүн.