2025-жылы Сеулда өтүшү керек болгон Борбор Азия өлкөлөрү менен Корея Республикасынын биринчи саммити расмий түрдө 2026-жылга жылдырылганын Түштүк Кореянын Йонхап маалымат агенттиги билдирди. Маалыматты Түштүк Кореянын тышкы иштер министринин биринчи орун басары Пак Юн Жу парламенттин эл аралык иштер боюнча комитетинин отурумунда тастыктады.

Жыйындын жылдырылышынын себептеринин арасында мурдагы президент Юн Сок Йелдин өлкөдө аскердик абал киргизүү аракетинен кийин Түштүк Кореядагы саясий кризисти жараткан ички саясий өзгөрүүлөр бар.

«Бардык жагдайларды, анын ичинде учурдагы ички күн тартибин талдап чыккандан кийин быйыл саммитти өткөрүү кыйын болуп чыкты.", деп белгиледи Пак Юн Джу.

Эске сала кетсек, 2023-жылдын июнь айында Түштүк Кореянын президентинин Борбор Азия өлкөлөрүнө болгон иш сапарынын алкагында 2025-жылы Сеулда биринчи мамлекеттер аралык саммитти өткөрүү боюнча келишим түзүлгөн.

Эми тарыхый жолугушуу бир жылга жылдырылды, бирок эки тарап тең саммит дагы эле болоорун жана Борбор Азия менен Түштүк Кореянын ортосундагы кызматташтыкты тереңдетүүгө карай маанилүү кадам болоруна ишенет.