Душанбе, 10-октябрь – Караван инфо маалымат агенттиги.Түркмөнстандын президенти Сердар Бердымухамедов “Борбор Азия-Россия” экинчи саммитине жана Көз карандысыз Мамлекеттер Шериктештигинин (КМШ) Мамлекет башчыларынын Кеңешинин жыйынына катышуу үчүн Тажикстан Республикасына иш сапары менен келди.

Саммиттин алкагында тажик президенти Эмомали Рахмон түркмөн президенти Сердар Бердымухамедов менен жолугушту. Лидерлер эки тараптуу кызматташуунун актуалдуу маселелерин, ошондой эле аймактык жана глобалдык темаларды талкуулашты.

Эмомали Рахмон Тажикстан Түркмөнстан менен соода-экономикалык байланыштарды өнүктүрүүгө өзгөчө маани берерин баса белгиледи. Тараптар энергетика, өнөр жай, айыл чарба, анын ичинде жаңы “жашыл” багыттарда өз ара пайдалуу кызматташтыкты өнүктүрүүгө даяр экендиктерин билдиришти.

биргелешкен ишканаларды тузуунун, енер жай жана айыл чарба продукциясын экспорттоону кебейтуу-нун мааниси талкууланды. Транспорт жана коммуникациялар тармагындагы кызматташтыкты өнүктүрүүгө өзгөчө көңүл бурулду.

Мындан тышкары, лидерлер маданий-гуманитардык байланыштарды кеңейтүүнүн, анын ичинде Маданият күндөрүн жана башка биргелешкен иш-чараларды өткөрүүнүн маанилүүлүгүн белгилешти.

Жолугушуу Тажикстан менен Түркмөнстандын стратегиялык өнөктөштүгүн тереңдетүү, аймактагы экономикалык жана маданий кызматташтык үчүн жаңы мүмкүнчүлүктөрдү түзүүдөгү маанилүү кадам болду.

СУР0ТТ0: Тажикстан Республикасынын Президентинин басма сез кызматы