Министрлер Кабинетинин Төрагасы Адылбек Касымалиевдин дарегине Жеңиш күнүнө карата чет мамлекеттердин өкмөт башчыларынан куттуктоолор келип түштү.

Ошентип, Беларусь Республикасынын Премьер-министри Александр Турчин Министрлер Кабинетинин Төрагасына куттуктоо телеграммасын жөнөттү.

«Бул ыйык майрам биздин элдерибиздин биримдигинин, советтик жоокердин эрдиги менен сыймыктануунун, ошондой эле оор кыйынчылыктардын жана миллиондогон курмандыктардын кайгысынын символу.

Жалпы тарыхый эс-тутумубузга бекем туруп, биз Беларусь Республикасы менен Кыргыз Республикасынын ортосундагы достук мамилелерди өнөктөштүк жана өз ара пайдалуу кызматташтык рухунда мындан ары өнүктүрүүгө бекем чечкиндүүбүз», — деп белгиленет телеграммада.

****

Казакстан Республикасынын Премьер-министри Олжас Бектенов да куттуктоо телеграммасын жөнөтүп, анда министрлер кабинетинин төрагасы Адылбек Касымалиевди жана Кыргыз Республикасынын элин Жеңиш күнү менен куттуктады.

«Бул атактуу күн улуу эрдиктин жана баатырдыктын символу болуп, Жеңишке фронтто да, тылда да салым кошкон ата-бабаларыбыздын эрдиктери келечек муундар үчүн түбөлүккө жаркын үлгү болуп кала берет.

Казакстан менен Кыргызстандын элдерин жалпы тарых, бир туугандык жана бири-бирин колдоонун бекем салттары бириктирип турат. Бул өлкөлөрүбүздүн ортосундагы стратегиялык өнөктөштүктү мындан ары да чыңдоо үчүн бекем негиз болуп саналат деп ишенем», – деп айтылат куттуктоодо.

****

Россия Федерациясынын Өкмөтүнүн Төрагасы Михаил Мишустин да министрлер кабинетинин башчысы Адылбек Касымалиевди Жеңиш күнү менен куттуктады.

«Жеңиш күнү — биздин бир тууган элдерибиздин ыйык майрамы, советтик жоокерлер жана тыл эмгекчиле-ри азап-тозоктордун куну менен, эркиндикти жана келечек муундардын тынч жашоо укугун коргошту.

Аскердик сыноолордун катаал жылдарын башынан кечирген бекем достук мындан ары да Россия Федерациясы менен Кыргыз Республикасынын ортосундагы стратегиялык өнөктөштүктү жана союздашты тереңдетүүгө бекем негиз болуп кызмат кыла берерине ишенем», – деп айтылат куттуктоодо.

****

Тажикстан Республикасынын Премьер-министри Кохир Расулзода төмөнкү мазмундагы куттуктоо катын жөнөттү.

«Улуу Ата Мекендик согуштагы Жеңиштин 80 жылдыгына карата чын жүрөктөн чыккан куттуктоолорубузду кабыл алыңыз.

9-май фашизмге каршы ийиндеш болуп күрөшкөн, эркиндикти жана көз карандысыздыкты коргогон элдерибиздин болуп көрбөгөндөй эрдигин билдирген ыйык дата. Эбегейсиз зор курмандыктардын жана эрдиктин баасы менен жетишилген бул жеңиш биримдиктин, эрдиктин жана кайраттуулуктун далили катары биздин жүрөгүбүздө түбөлүккө сакталат. Тажикстан Республикасы Кыргыз Республикасы менен жакшы салттарга, өз ара урматтоого, ишенимге жана кызматташтыкты бекемдөөгө биргелешкен умтулууга негизделген достук мамилелерди жогору баалайт», — деп белгиленет телеграммада.

****

Жеңиш майрамына карата Өзбекстан Республикасынын Премьер-министри Абдулла Арипов да куттуктоо телеграммасын жөнөттү.

«Фашизмди жеңген Улуу Жеңиштин 80 жылдыгына карата чын жүрөктөн чыккан куттуктоолорумду кабыл алыңыз!Ушул даңктуу күнү согуш жылдарында, фронтто жана тылда теңдешсиз эрдикти жана кайраттуулукту көрсөткөндөрдүн ар биринин элесине таазим этип, терең ыраазычылык билдиребиз. Ата-бабаларыбыздын эрдиги чексиз эрдиктин жана жан аябастыктын жаркын символу болуп, тынчтыктын жана өз ара урмат-сыйдын баалуулугун эске салып, жалпы Жеңишке жетишүүгө баа жеткис салым кошкон», – деп айтылат куттуктоодо.