ВКО, 1-август, 2025-жыл – Караван Инфо маалымат агенттиги.Чыгыш Казакстан облусунда Шанхай Кызматташтык Уюмуна (ШКУ) мүчө өлкөлөрдүн жаш лидерлери менен таланттарынын жолугушуусу өтүүдө.

Бул демилге Казакстан Республикасынын Маданият жана маалымат министрлиги тарабынан 2024-жылдын 4-июлунда Астанада өткөн ШКУга мүчө-мамлекеттердин Мамлекет башчыларынын Кеңешинин жыйынында жетишилген макулдашууларды иштеп чыгууда ишке ашырылып, анда президент Касым-Жомарт Токаев заманбап шарттарда биригүү жана биргелешкен күч-аракеттердин негизги ролун баса белгилеген.

Ага ШКУга мүчө мамлекеттерден: Кытай, Орусия, Кыргызстан, Өзбекстан жана Тажикстандын делегаттары катышууда.

Жолугушуунун максаты – тажрыйба алмашуу, жаштардын өз ара аракеттенүүсүн бекемдөө жана эл аралык өнөктөштүктү өнүктүрүү үчүн туруктуу аянтча түзүү.

Фото: Казакстан Республикасынын Маданият жана маалымат министрлигинин басма сөз кызматы