Душанбе, 6-июль, – «Караван Инфо» МА.Тажикстан Республикасынын борбору Дүйшөмбү шаарында Тажикстандын төрагалыгы алдында Шанхай кызматташтык уюмуна (ШКУ) мүчө-мамлекеттердин компетенттүү органдарынын ШКУнун Баңгизатка каршы борборун түзүү маселеси боюнча эксперттик консультациялары өттү.

Эки күндүк консультациялардын жүрүшүндө катышуучулар борбордун максаттарына жана милдеттерине, ошондой эле анын аймактагы эффективдүү иштөө механизмдерине өзгөчө көңүл буруп, Дүйшөмбү шаарында ШКУнун Баңгизатка каршы борборун түзүү жөнүндө Макулдашуунун долбоорун талкуулашты.

Эксперттик жолугушуулар баңги затын мыйзамсыз жүгүртүүгө каршы күрөшүү жана аймактык коопсуздукту чыңдоо жаатында ШКУга мүчө-мамлекеттердин кызматташтыгын мындан ары өнүктүрүү боюнча бирдиктүү позицияны иштеп чыгууга өбөлгө түздү.

СУРОТТв: Тажикстандын тышкы иштер министерствосу