БОРБОРДУК АЗИЯ, 13-июль, 2025-жыл – Караван инфо маалымат агенттиги.Пенсионерлердин тобу Кабулда пенсия төлөнбөй жатканына байланыштуу жаңы нааразылык акциясын уюштуруп, талиптердин өкмөт жетекчилиги алардын мыйзамдуу талаптарын тоготпой жатат деп ырасташты.

Ишембиде (12-июлда) болгон митингдин катышуучулары айлык акысы төлөнмөйүнчө нааразылык акциясын уланта беришерин айтышты.

Пенсиядагы Абдул Хаким өзү жана анын жолдоштору пенсияга абдан муктаж экенин айтты.

«Биз эмираттын жогорку лидерине чыныгы мусулман катары жеке кийлигишип, мыйзамдуу талаптарыбызды канааттандырууга чакырабыз», – деп баса белгиледи ал.

Үч жылдан бери пенсионерлер Кабулдун көчөлөрүнө үзгүлтүксүз чыгышат. Анткен менен талиптердин расмий өкүлдөрү ар бир пенсионер төлөмгө болгон укугун ырастоо үчүн “атайын сотко” кайрылышы керектигин айтышат.

Буга чейин Талибандын Каржы министрлиги кыймылдын лидери Хайбатулланын буйругу менен пенсиялык төлөмдөрдү калыбына келтирүү керектигин билдирген, бирок пенсионерлердин өздөрүнүн айтымында, тиешелүү органдар бул маселеге көңүл бурбай келет.

Сүрөт: Караван ААнын өнөктөштөрү