Ысык-Көл ОИИБдин кызматкерлери экологияга коркунуч туудурган браконьерлик синтетикалык торлорду мыйзамсыз жүгүртүүгө байланышкан коррупциялык схеманын бетин ачты.

2022-жылдын 12-ноябрында КР Кылмыш-жаза кодексинин 310-беренесине ылайык козголгон кылмыш ишинин алкагында Бишкек шаарындагы «Дордой» соода борборундагы кампага ыкчам кызматкерлер тарабынан тинтүү жүргүзүлдү. Жыйынтыгында кытай өндүрүшүндөгү 3 миң 790 синтетикалык тор, жалпы салмагы 3 тонна 941 килограммды түзгөн. Торлор борбор калаанын тургуну Т.С.га таандык экени аныкталып, буюм далил катары таанылды.

2023-жылдын 24-февралында иликтөө иштеринин жыйынтыгында аталган торлор Кыргыз Республикасынын Жаратылыш ресурстар, экология жана техникалык көзөмөл министрлигине караштуу Экологиялык жана техникалык көзөмөл кызматынын карамагына расмий түрдө өткөрүлүп берилген. Кабыл алууну улук инспектор Т.И. браконьердик балык уулоо куралдарынын кийин жок кылынгандыгын ырастоочу документтердин негизинде.

Бирок 2025-жылы дагы бир текшерүү учурунда жок кылынууга тийиш болгон синтетикалык торлор мыйзамсыз түрдө жүгүртүүгө кайтарылганы аныкталган. Тергөөнүн жүрүшүндө аныкталгандай, инспектор Т.И., мыйзамды бузуу менен бардык 3790 торлорду жаран Т.С.нын ишенимдүү адамына кайра өткөрүп берген. Бишкек шаарында жасалма акт аркылуу тариздешкен.

Бул окуя боюнча тергөө иштери уланууда. Укук коргоо органдары мындай аракеттер коррупциялык кылмыш гана болбостон, экологияга, өлкөнүн экосистемасына түздөн-түз зыян келтирерин баса белгилешүүдө.