МОСКВА, 20-май, 2025-жыл — АА Караван инфо.Эки лидердин телефон аркылуу сүйлөшүүсүнөн кийин орус президентинин басма сөз катчысы Дмитрий Песков Орусия менен Украинанын ортосундагы байланыштар калыбына келтирилгенин, бул меморандумдун үстүндө иштөө үчүн абдан маанилүү экенин айтты. Кремль өлкөлөр бул документтин тексти боюнча бир катар татаал иштерди аткарышы керек деп эсептейт. Басма сөз катчы макулдашуунун майда-чүйдөсүнө чейин маанилүү болгондуктан, даярдоонун мөөнөтү жок жана болушу мүмкүн эмес экенин белгиледи.

"Трамптын позициясы нейтралдуу, ал чындап жөнгө салуу маселелери менен алектенет, ал эми европалык саясатчылардын позициясы ачыктан-ачык украиначыл, алар Орусияны бардык жагынан сындыргысы келет. Чыр-чатактын катышуучуларынан бирдей аралыкты ээлеген тарап гана чыныгы ортомчулукка катыша алат", – деди ал.– деп баса белгиледи Дмитрий Песков.

Владимир Путин Орусия Украина менен меморандум, анын ичинде ок атышууну токтотуу боюнча иштөөгө даяр экенин билдирди. Бул ниетин Зеленский да ырастады.

Орусиянын президентинин жардамчысы Юрий Ушаков белгилегендей, Дональд Трамп Украинадагы жөнгө салуудан кийин Орусияны АКШнын негизги соода жана экономикалык өнөктөштөрүнүн бири катары көрөт.

Орусия менен АКШ башчыларынын телефондук сүйлөшүүсүнө байланыштуу Ушаков лидерлер өлкөлөр ортосундагы кезектеги туткундарды алмаштырууну талкуулашканын кошумчалады – 9 кишиге 9. Президенттин жардамчысы ошондой эле АКШ Сенаты жаңы санкциялар боюнча мыйзам долбоорун даярдап жатканын айтып, Трамп өзү санкцияларды колдобой турганын, бирок келишимдерге жетишүүнү көздөп жатканын белгиледи.

"Владимир, сен каалаган убакта телефонду аласың, мен кубаныч менен жооп берем, сени менен сүйлөшүүгө кубанычтамын"– Россия Федерациясы менен АКШ президенттеринин диалогу ушундайча аяктады.

Сүрөт: ачык булактардан.