Ата-мекендик «Дордой» жана «Мурас Юнайтед» клубдары эл аралык CAFA Silk Way Cup 2025 клубдук турнирине катышат. Бул тууралуу Кыргыз футбол биримдигинен билдиришти. 

Маалыматка ылайык, аталган мелдешке БАФАга мүчөлүк кылган Кыргызстан өлкөсүнөн сырткары, Иран, Ооганстан, Таджикистан, Түркмөнстан жана Өзбекстандын клубдарын чогултат.

Борбор Азия футбол ассоциациясынын клубдук турниринин тайпалык жана плей-офф этаптары 24-апрелден 6-майга чейин өтөт. Анын өтө турган жерлери жакынкы арада белгилүү болот.

Белгилей кетсек, бул турнир Борбордук Азиянын футбол клубдары арасында алгачкы ирээт өткөрүлүп, алардын эл аралык деңгээлде өздөрүн көрсөтүүгө шарт түзгөн аянтча катары түзүлүүдө. Биринчи сезондо мелдештин тайпалык этапта сегиз клубдун катышуусу пландалууда.

Турнирге акыркы сезондун жыйынтыгы менен, өлкө чемпионатынын жадыбалында жогорку орундарды ээлеген же/жана өлкө кубогунун ээси болгон клубдар гана катыша алат.

Эске салсак, «Мурас Юнайтед» 2024-жылы Кыргызстандын Кубогунун жеңүүчүсү болгон, ал эми «Дордой» Кыргызстандын чемпионатында 2-орунду ээлеген. «Мурас Юнайтед» тайпалык баскычка түз жолдомо алса, «Дордой» турнирге катышуу укугун алуу үчүн алдын ала баскычта түркмөндүк клубу менен кез келет.

Турнирге катышуучу клубдардын толук курамын БАФА жакынкы мезгилде жарыялайт.

Ақпарат көзі: сайт https://caravan-info.kg/