2025-жылдын 5-июлунан 14-июлуна чейин Дубайда (БАЭ) 57-Эл аралык химия олимпиадасы (IChO-2025) өтүп, анда Кыргыз Республикасынын курама командасы эки коло медалга ээ болду.

Престиждүү сынакка 90дон ашык өлкөдөн 360 мектеп окуучулары катышып, алар химия боюнча татаал теориялык жана практикалык тапшырмаларды аткарышты. Кыргызстандын командасы жогорку деңгээлдеги даярдыкты көрсөтүп, өлкөнүн билим жана илим тармагындагы жетишкендиктерин тастыктады.

Жеңүүчүлөр:

• Максат Кахраманов – коло медаль («Сапат» билим берүү мекемеси)
• Эржан Жапаров – коло медаль («Сапат» билим берүү мекемеси)

Улуттук курама команданын курамы:

• Кахраманов Максат («Сапат»)
• Жапаров Эржан («Сапат»)
• Умхаева Мадина (№2 орто мектеп, Токмок ш.)
• Саматов Эрмек («Сапат»)

Команда лидерлери:

• Чынгыз Тилебалдиев – команданын жетекчиси, Кыргыз Республикасынын Химия боюнча олимпиадалар боюнча комитетинин төрагасы
• Иван Решетников – экинчи жетекчи, мугалим
• Сарвар Хайдаров, 2009-жылы улуттук курама команданын мүчөсү жана Сингапурдагы билим берүү мекемесинин негиздөөчүсү
• Тынчтык Аматов Абу-Дабидеги Нью-Йорк университетинин академик директору жана профессору.

Олимпиаданын алдында команда Казакстан жана Өзбекстандын алдыңкы адистери менен биргелешип машыгуу программаларын камтыган интенсивдүү машыгуулардан өткөн.

Бул ийгилик кыргызстандык мектеп окуучуларынын сапаттуу билимге жана илимге болгон умтулуусунун, өлкөнүн илимий потенциалынын өсүп жаткандыгынын далили. Мындай жетишкендиктер жаштардын илимге болгон кызыгуусун арттырып, келечектеги илимпоздорду өстүрүүдө.

Команданы даярдоодо Кыргыз Республикасынын Билим берүү министрлиги ар тараптуу уюштуруу жана академиялык колдоо көрсөткөн.

Эске салсак, химия боюнча эл аралык олимпиада 1968-жылдан бери жыл сайын өткөрүлүп келет.