Тажикстандын Илимдер академиясынын Инновациялык технологияларды изилдөө борборунда инновациялык илимди өнүктүрүүгө арналган III Эл аралык илимий конференция өттү.

Илимдер академиясынан билдиришкендей, конференция “Илим жана билим чөйрөсүндө табият, так жана математикалык илимдерди даярдоого жана өнүктүрүүгө жыйырма жыл” (2020–2040) жана “Өнөр жайды өнүктүрүү жылдары (2022–2026) ” программасынын алкагында уюштурулду.

Конференциянын жүрүшүндө АКШ, Франция, Италия, Германия, Иран, Түркмөнстан, Пакистан, Россия, Казакстан жана Өзбекстандан келген окумуштуу-изилдөөчүлөр инновацияларды жана заманбап технологияларды өнүктүрүүсүз илимий максаттарга жетүү мүмкүн эместигин баса белгилешти.

Белгилей кетсек, Тажикстандын Президенти Эмомали Рахмон 2020-2040-жылдарга карата “Илим жана билим чөйрөсүндө табият, так жана математикалык илимдерди даярдоонун жана өлкөдө билим жана илимди өнүктүрүүнүн 20 жылдык” программасы ишке ашырылып жатканын билдирди.

Табигый, так жана математикалык илимдерди өнүктүрүү жана жайылтуу жаатында атайын программаларды кабыл алуу жана ишке ашыруу бул багыттагы изилдөөлөрдү колдоого, эксперименталдык изилдөөлөрдү жүргүзүү үчүн материалдык-техникалык базаны чыңдоого, илимий кадрларды даярдоо үчүн шарттарды түзүүгө, калктын билимин жана интеллектуалдык кучун, билим деңгээлин жогорулатууга,   жана ошондой эле эл аралык илимий кызматташтыкты кеңейтүүгө жардам берет.

Конференцияда илимпоздор жаңы технологиялар, медицина, фармацевтика, экономика жана компьютердик технологиялар багыттары боюнча докладдарды жасашты.

Сүрөт: Тажикстандын илимдер Академиясы