Казакстандын Тышкы иштер министринин орун басары Роман Василенко Европа Биримдигинин Борбор Азия боюнча атайын өкүлү Терхи Хакала менен жолугушуу өткөрдү. Тараптар жемиштүү кызматташтыктын жыйынтыктарын чыгарышты жана Казакстан менен ЕБ ортосундагы мамилелерди мындан ары өнүктүрүү келечегин талкуулашты.
Көп тараптуу өз ара аракеттенүүгө жаңы дем берген Астанада жана Чолпон – Атада Борбордук Азия-ЕБ саммиттеринин ийгиликтүү өткөрүлүшү өзгөчө белгиленди. Борбордук Азия өлкөлөрү менен ЕБ ортосунда масштабдуу биргелешкен иш-аракеттер планын кабыл алуу маанилүү жетишкендик болду.
Казакстан менен ЕБ транспорттук коридорлорду, атап айтканда Транскаспий эл аралык транспорттук каттамын өнүктүрүүгө өз ара кызыкдарлыгын билдиришти. Каспий деңизинин портторун модернизациялоо жана санариптештирүү зарылдыгы белгиленди.
Күн тартибиндеги маанилүү маселе Астана менен Брюсселдин ортосунда Казакстан жарандары үчүн виза режимин жөнөкөйлөтүү тууралуу келишим түзүү тууралуу сүйлөшүүлөрдүн тез башталышы болду.
Жолугушуунун соңунда Роман Василенко Терхи Хакалеге Казакстан менен Евробиримдиктин ортосундагы мамилелерди чыңдоого кошкон олуттуу салымын таануу иретинде Казакстандын Президенти Касым-Жомарт Токаевдин “Барыс” төш белгиси менен ыраазычылык катын тапшырды.
Сүрөт: КР ТИМ