БОРБОРДУК АЗИЯ, 31-июль, 2025-жыл – Караван инфо маалымат агенттиги.Европа Биримдигинин Ооганстандагы убактылуу ишенимдүү өкүлү Вероника Боскович-Похар 30-июлда, шаршемби күнү Хост провинциясында болду. Облус губернатору менен жолугушууда ал Саламаттыкты сактоо департаментинин лаборатория бөлүмүнө 7 миллион евро берүү боюнча документти көрсөттү.

Боскович-Похар жакын арада секторду чыңдоо үчүн кошумча жардам көрсөтүүгө убада берди.

Жер которгондордун жана кайтып келген оогандардын көйгөйлөрүнө токтолуп, ал ЕБ алардын негизги муктаждыктарын жана кызматтарын камсыздоого жардам берүүнү уланта берерин белгиледи.

Убактылуу ишенимдүү өкүл качкындар маселеси Ооганстан үчүн гана эмес, бүтүндөй аймактын туруктуулугу жана өнүгүүсү үчүн да маанилүү экенин, Евробиримдик өз жардамында буга өзгөчө көңүл бурарын баса белгиледи.

Хост провинциясынын губернатору Ооганстандын эли согуш жылдарында абдан азап чегип, азыр масштабдуу гуманитардык жардамга муктаж экенин белгиледи.

Сүрөт: Караван ААнын өнөктөштөрү