16-июлдан 26-июлга чейин Эссен шаарында (Германия) XXXII Бүткүл дүйнөлүк жайкы Универсиада өтүп, ага ондогон өлкөнүн спортчулары катышты. Мелдештер спорттун 18 түрү боюнча өттү. Кыргызстандын намысын 16 спортчу коргоп, анын экөө медаль тагынды.

Денис Петрашов 100 метрге брасс стилинде сүзүүдө финалдык сүзүүдө 59,32 секунд жыйынтыгын көрсөтүп, алтын медаль тагынды.

Нурхан Самидинов таэквондо боюнча мелдеште (54 килограммга чейинки салмак ченинде) 30 күчтүү спортчунун арасынан ийгиликтүү чыгып, коло медаль тагынды.

Жеңил атлетика боюнча мелдеште Айнуска Калил кызы жарым марафондо (21 км аралыкта) 27 катышуучунун арасында 1:14:41 убакытты көрсөтүп, 8-орунга ээ болду.

Дзюдодо кыргызстандык спортчулар медалдарга бир кадам калганда токтошту:

• Даут Пултушев (100 кг чейин) – 7-орун,
• Эмирхан Жолдошказиев (100 кг жогору) – 7-орун,
• Мырзайым Дуйшонбекова (70 кг) – 7-е место.

Универсиаданын расмий жабылыш аземи 27-июлда өтөт.Кыргызстандык спортчулардын катышуусу эл аралык аренада жаңы спорттук жетишкендиктерге карай жолдогу маанилүү этап болуп калды.