Германиянын өкмөтү Ирандык Германиялык Жамшид Шармахддын өлүм жазасына тартылышына жооп катары өлкөдөгү үч Ирандык башкы консулдуктун тең жабылганын жарыялады. Бул тууралуу Германиянын ТИМ башчысы Анналена Бербек 31-октябрда Нью-Йоркто сүйлөп жатып билдирди дейт Deutsche Welle. Германияда Ирандын Франкфурт-на-Майне, Гамбург жана Мюнхендеги консулдуктары жабылат.

Бербок Берлин Иран өкмөтүнө немис жаранын өлүм жазасына тартуунун кесепеттери тууралуу бир нече жолу эскерткенин белгиледи. “Азыр жыйынтык чыгарылды” деп баса белгиледи ал. Үч Консулдуктун иштебей калышы менен Германия Ирандын дипломатиялык катышуусун минималдуу деңгээлге чейин кыскартат. Бирок, эки өлкөнүн Берлин жана Тегерандагы элчиликтери ишин улантат.

“Биз башка Иран бар экенин билебиз”, — деп кошумчалады Бербок эркиндикти жана адам укуктарын жактаган Иран жарандарына шилтеме жасап. Германиянын Тегерандагы Элчилиги адам укуктарынын абалын көзөмөлдөөнү жана Иранда тар кырдаалга туш болушу мүмкүн болгон немис жарандарына жардам көрсөтүүнү улантат.

Консулдуктардын жабылышы паспортторду берүү жана узартуу сыяктуу бардык консулдук функциялар эми Ирандын Берлиндеги элчилигине өтөт дегенди билдирет. Германияда 300 миңге жакын ирандыктар жашайт жана бул чечим алардын бир катар административдик процедураларды аткарышын кыйындатат.

Жамшид Шармахд Иранда өлүм жазасына тартылып, 2008-жылы 14 адамдын өмүрүн алган мечитке кол салууга тиешеси бар деп табылган. Шармахддын туугандары аны 2020-жылы Дубайдагы жер которуу учурунда Ирандын атайын кызматтары уурдап кеткенин жана Ирандын түрмөлөрүнүн биринде камалганын айтышууда.

Сүрөт: Pixabay.com / noelsch