БОРБОРДУК АЗИЯ, 13-июль, 2025-жыл – Караван инфо маалымат агенттиги.АКШнын Ооганстандагы Тынчтык боюнча мурдагы атайын өкүлү Залмай Халилзад Дональд Трамптын Баграм авиабазасы Кытайдын көзөмөлүнө өттү деген билдирүүсүн четке какты.

"Коммунисттик Кытай стратегиялык Баграм авиабазасын иштетип жатат деген кабардын ишеничтүү экенине ишенбейм", – деп жазган дипломат ишемби күнү социалдык тармактарда.

Халилзад Трампты түз айтпаса да, анын комментарийлери мурдагы президенттин бир нече жолу айткан билдирүүлөрүнө ачык жооп болду.

Дональд Трамп мурда АКШнын Баграмдан кайра чыгуу чечимин сындап, муну стратегиялык ката деп атаган. Ал Кытай азыр базаны колдонуп жатканын ырастады жана Баграм Кытайдын өзөктүк объектилеринен бир сааттык гана учуу экенин эске салды.

Кабулдун түндүгүндөгү Баграм авиабазасы жыйырма жылдан бери АКШнын Ооганстандагы негизги аскерий борбору болуп келген. Трамп бул жерге президент кезинде барып, анын стратегиялык маанисин баса белгилеген.

Ал арада Залмай Халилзад өзү жакында эле америкалык делегациянын курамында Кабулга барды. Ал Талибандын өкүлдөрү менен Ооганстанда кармалган америкалык жарандарга байланыштуу маселелерди талкуулады.

Сүрөт: Караван ААнын өнөктөштөрү