АСТАНА, 21-май, – «Караван инфо» АА.Казакстандын президенти Касым-Жомарт Токаев Венгриянын премьер-министри Виктор Орбан менен жолугушту.

Казакстандын башчысы менен Венгриянын премьер-министри өткөн жылдагы жогорку деңгээлдеги сүйлөшүүлөрдүн жыйынтыгы боюнча жетишилген макулдашууларды, анын ичинде энергетика, соода жана инвестиция тармагындагы биргелешкен долбоорлорду ишке ашыруунун жүрүшүн карап чыгышты. Тараптар ошондой эле эл аралык күн тартибиндеги актуалдуу маселелер боюнча пикир алмашышты.

2024-жылы Казакстан менен Венгриянын соода жүгүртүүсү дээрлик 200 миллион долларга жетип, үстүбүздөгү жылдын биринчи чейрегинде 37% өсүү катталган. Венгрия Казакстанга 370 миллион доллардан ашык инвестиция салган.

Сүрөт: ачык булактардан.