Астана, 17-июнь, 2025-жыл – Караван Инфо маалымат агенттиги. Вице-премьер-министр, улуттук экономика министри Серик Жумангариндин төрагалыгы алдында өткөн Казакстандын Экономикалык штабы үстүбүздөгү жылдын аягына чейин ИДПнын 6% өсүшүнө жетишүүнүн жолдорун талкуулады. Жыйында 2025-жылдын биринчи беш айынын жыйынтыгы жана экономиканын негизги тармактарын өнүктүрүүнү тездетүү потенциалы каралды.

Өнөр жай өсүштүн негизги кыймылдаткычы бойдон калууда: 2025-жылдын январь-майында ал 6,4%га өстү, ал эми ИДПдагы үлүшү 2024-жылдын акырына карата 25,7%ды түздү. Жолугушууда ошондой эле машина куруу, тамак-аш, химия жана нефтини кайра иштетүү өнөр жайынын өсүү потенциалы талкууланды.

Тез внугуп жаткан дагы бир тармак — курулуш. 2025-жылдын биринчи беш айында аткарылган иштердин көлөмү 15,4% өсүү менен 2 триллион теңгеге жетти. Турак жай курулушунда жылына 19 миллион чарчы метр турак-жайды пайдаланууга беруу милдети турат. 6 миллион чарчы метр пайдаланууга берилди, бул 2024-жылдын ушул мезгилине салыштырмалуу 5,7%га жогору.

"Биздин максат – быйылкы жылы ИДПнын 6% өсүшү. Буга жетишүү үчүн реалдуу сектордун бардык тармактары белгиленген көрсөткүчтөргө ылайык иштеши керек. Административдик тоскоолдуктарды тез арада алып салуу жана ишканалар өндүрүш көлөмүн көбөйтүү үчүн ар бир тармак боюнча так айлык пландарды иштеп чыгуу керек", – деп баса белгиледи Серик Жумангарин.

Сүрөт:премьер министр.kz