Астана, 24-июль, 2025-жыл – Караван Инфо маалымат агенттиги.Казакстан Республикасынын Айыл чарба министри Айдарбек Сапаров Евробиримдиктин Казакстандагы элчиси Алешка Симкич менен жолугушту. Тараптар айыл чарба тармагындагы соода-экономикалык кызматташуу маселелерин талкуулашты.

Казакстан менен ЕБ ортосундагы айыл чарба соодасынын көлөмү 2024-жылы 1,3 миллиард долларды түзүп, 7%га өскөн. 2025-жылдын биринчи беш айында бул көрсөткүч 662,2 миллион долларга жетип, 11%га өскөн.

Учурда Казакстандын 20 ишканасы Евробиримдиктин өлкөлөрүнө балык азыктарын экспорттоо укугуна ээ. Жылкы этин жана аквакультура азыктарын жеткирүүчүлөр үчүн Европа рыногун ачуу боюнча сүйлөшүүлөр жүрүп жатат.

Казакстанда жалпы суммасы 270 миллион долларды түзгөн европалык компаниялардын үч инвестициялык долбоору ишке ашырылууда, анын ичинде премикстерди, аралаш тоюттарды жана алкоголсуз суусундуктарды өндүрүү. Айыл чарба техникасын жергилик-туу жайгаштыруу боюнча иштер улантылууда.

Тараптар талкууланган бардык багыттар боюнча өнөктөштүктү өнүктүрүүгө жана кызматташтыкты кеңейтүүгө өз ара кызыкдар экенин ырасташты.

Сүрөттө: Казакстан Республикасынын айыл чарба министрлиги