Астана, 18-июнь, 2025-жыл – Караван Инфо маалымат агенттиги.Казакстан менен Кытайдын өнөр жай кызматташтыгы жалпы суммасы 35 миллиард долларды түзгөн 133 долбоорду камтыйт, алар 36 миңден ашык жумушчу орундарын түзүшөт. Бул тууралуу Казакстан Республикасынын өнөр жай жана курулуш вице-министри Олжас Сапарбеков “Борбор Азия – Кытай” өнөр жай жана инвестициялык кызматташтыктын экинчи форумунун жүрүшүндө билдирди.

Тоо-кен-металлургиялык комплекс, машина куруу жана экономиканын башка тармактарында активдүү ишке ашыруу жана өнүктүрүү стадиясында 26 миллиард долларлык 79 биргелешкен долбоор бар.

Форумдун негизги максаты – экономикалык байланыштарды өнүктүрүү жана чыңдоо, өз ара инвестицияларды тартуу, биргелешкен өндүрүштөрдү түзүү жана аймактын стратегиялык тармактарында кызматташуу долбоорлорун алдыга жылдыруу. Вице-министр көп тараптуу кызматташуунун позитивдүү динамикасын жана Борбордук Азия – Кытай биринчи саммитинин жыйынтыгы боюнча жетишилген макулдашуулардын сапаттуу өнүгүшүн баса белгиледи.

Иш-чаранын жыйынтыгында казакстандык жана кытайлык компаниялардын ортосунда жалпы суммасы 24 миллиард доллардан ашкан 58 коммерциялык келишимге кол коюлду.

Сүрөт:Республиканын енер жай жана курулуш министерствосу