Пекин, 3-сентябрь, 2025-жыл – Караван Инфо маалымат агенттиги.Казакстан Республикасынын Энергетика министрлиги менен China Energy Engineering Group Түркстан облусунда кубаттуулугу 300 МВт болгон күн электр станциясын куруу боюнча келишимге кол коюшту. Салтанаттуу иш-чара президент Касым-Жомарт Токаевдин катышуусунда өттү.

Долбоорго инвестициянын көлөмү 320 миллион долларды түзөт. Күн электр станциясы Сауран районунда жайгашат, курулушу 2025-2026-жылдарга пландалууда. Станция Казакстандын түштүк аймактарынын энергетикалык коопсуздугун чыңдайт.

Энергетика министри Эрлан Аккенженов долбоор көмүртектүү нейтралдуулукка карай маанилүү кадам болорун жана Кытай менен жашыл энергетика боюнча стратегиялык өнөктөштүктү тереңдете турганын белгиледи.

Сүрөт:Казакстан Республикасынын Энергетика министрлиги