Казакстанда адам сатууга каршы күрөшүүгө багытталган жаңы мыйзам күчүнө кирди. Казакстан Республикасынын Президенти 5-июлда кол койгон документте кылмыштын бул түрү менен натыйжалуу күрөшүүгө мүмкүндүк берүүчү бир катар жаңылыктар киргизилген.

Мыйзамда «адам сатуунун курмандыгы», «потенциалдуу курмандык» жана башкалар сыяктуу так түшүнүктөр аныкталып, бул көрүнүш менен күрөшүүнүн бирдиктүү ыкмалары белгиленген. Мыйзам эл аралык тажрыйбага жана төрт Пнын концепциясына негизделген: өнөктөштүк, алдын алуу, соттук процесс жана жабырлануучуларга жардам берүү.

Казакстанда адам сатууга каршы натыйжалуу күрөшүү үчүн мамлекеттик органдарды, жарандык коомду жана эл аралык өнөктөштөрдү камтыган бирдиктүү система түзүлүүдө. Адамдарды сатууга шарт түзгөн себептерди аныктоого жана жоюуга багытталган профилактикалык иш-чаралар жүргүзүлөт.

Мыйзам жабырлануучулардын укуктарын коргоого өзгөчө басым жасайт. Аларга юридикалык жана психологиялык жардам, ошондой эле социалдык реабилитация алуу мүмкүнчүлүгү түзүлөт. Мындан тышкары, мыйзамда адам сатууга күнөөлүү деп табылгандарга дагы катаал жаза каралган.

Сүрөт: pixabay.com/sammisreachers