Казакстан, 30-май, 2025-жыл – Караван Инфо маалымат агенттиги.Бүгүнкү күндө Казакстанда 15,1 миллион гектардан ашык айыл чарба жери себилди, бул пландалган көлөмдүн 72,4% түзөт. Эң ири аянттар Акмола облусунда – 3,7 миллион гектарга, Костанай облусунда – 3,29 миллион гектарга жана Түндүк Казакстан облусунда – 2,56 миллион гектарга себилген. Бул маалыматтар Казакстандын айыл чарба министрлиги тарабынан жарыяланды.

Айдоолордун структурасы боюнча эң чоң үлүштү дан эгиндери ээлеп, анын аянты 10,9 миллион гектарга жеткен. Ошондой эле майлуу дан эгиндерине олуттуу аянттар белунген — 2,74 миллион гектар. Мындан тышкары 782,7 миң гектарга тоют өсүмдүктөрү, 116,2 миң гектарга жашылча, 108,1 миң гектарга картошка, 84,1 миң гектарга дарбыз айдалган. 141,6 миң гектар пахта, 153,9 миң гектар дандык жүгөрү, 17,8 миң гектар кант кызылчасы, 87 миң гектар күрүч эгилген.

Себүү кампаниясын ийгиликтүү аяктоо үчүн дыйкандар керектүү ресурстарды активдүү пайдаланууда. Бүгүнкү күндө 1,11 миллион тонна минералдык жер семирткичтерди сатып алуу боюнча келишимдер түзүлүп, анын 976,9 миң тоннасы аймактарга жөнөтүлгөн. Ошондой эле айыл чарба өндүрүүчүлөрүнө 368,8 миң тонна дизель майы бөлүнүп, анын 290,1 миң тоннасы жумуш орундарына жеткирилди.

Сүрөт:МСХ РК