Санкт-Петербург, 12-сентябрь, 2025-жыл – Караван Инфо маалымат агенттиги.Казакстандын Маданият жана маалымат министри Аида Балаева учурда Санкт-Петербургда өтүп жаткан Бириккен маданияттардын 11-эл аралык форумуна катышты. Форумдун темасы “Маданиятка кайтуу – жаңы мүмкүнчүлүктөр”.

Аида Балаева өз сөзүндө маданият руханий биримдиктин булагы экенин, аны саясий курал катары колдонбоо керектигин баса белгиледи. Ал маданий мейкиндиктин тазалыгын сактоо боюнча биргелешкен чараларды сунуштап, бул маданий дипломатия, креативдүү экономика, санариптик технологиялар, билим берүү аркылуу мүмкүн экенин белгиледи.

Форумдун алкагында Орусиянын маданият министри Ольга Любимова менен эки тараптуу жолугушуу болду. Тараптар кызматташтыкты жана октябрь айында боло турган Казакстандын Орусиядагы маданият күндөрүн талкуулашты.

Программа төмөнкүлөрдү камтыйт:

• Жаңы Третьяков галереясында Кастеев атындагы мамлекеттик искусство музейинин коллекциясындагы шедеврлердин көргөзмөсү.
• Малый театрда «Парасат майданы» спектакли.
• Казакстан киносынын кундер!
• Казакстандын искусство чеберлеринин гала-концерти.

Министрлер өнөктөштүктү тереңдетүүгө жана биргелешкен долбоорлорду ишке ашырууга даяр экендиктерин ырасташты.

Сүрөт:Казакстан Республикасынын Маданият жана маалымат министрлиги