КАЗАКСТАН, 10-июль, 2025-жыл – Караван инфо маалымат агенттиги.Казакстандын президенти Касым-Жомарт Токаев Alemcloud улуттук суперкомпьютер борборуна барып, NVIDIA H200 графикалык процессорлорунун негизиндеги суперкомпьютерди ишке киргизүү аземине катышты.

Акорданын басма сөз кызматы билдиргендей, системаны орнотуу жана ишке киргизүү Эл аралык өнөктөштөр менен бирге Санариптик өнүктүрүү, инновациялар жана аэрокосмостук өнөр жай министрлигинин жаңы дата борборунда өттү.

Жаңы суперкомпьютер кластери FP8 эсептөө ыкмасын колдонуу менен 2 экзафлопка чейин өндүрүмдүүлүктү бере алат, бул аны Борбордук Азия чөлкөмүндөгү эң кубаттуу эсептөөчү чечимге айландырат.

Токаевдин айтымында, суперкомпьютерди ишке киргизүү негизги тармактарды санариптештирүүдөгү маанилүү кадам болот.

Мындан тышкары, суперкомпьютер Казакстанга санариптик технологияларды өнүктүрүүдө олуттуу ийгиликтерге жетишүүгө мүмкүндүк берет:
Нейрондук тармак чечимдерин иштеп чыгуучу стартаптарга, университеттерге, изилдөө борборлоруна, ошондой эле мамлекеттик жана жеке компанияларга жогорку өндүрүмдүүлүктөгү эсептөөлөргө мүмкүнчүлүк берилет.

Сүрөт: Ачык булактар