Костанай, 31-июль, 2025-жыл – IA Karavan Info.Костанай облусунун милициясы студенттерден опузалап акча талап кылган деген шек менен 22 жаштагы жергиликтүү тургунду кармады. Ал киши коркутуп-үркүтүү жана психологиялык басым жасоо менен жабырлануучулардан бир миллион теңгеден ашык акча алган.

Тергөөнүн версиясы боюнча, кылмыштар 2024-жылдын декабрынан 2025-жылдын февраль айына чейин жасалган. Шектүү эки теңтушту коркутуп, акчасын берүүгө мажбурлаган.

Учурда жигитке эч жакка кетпөө тууралуу жазуу жүзүндөгү милдеттенме бар. Ага карата кылмыш иши козголуп, сотко чейинки тергөө амалдары жүрүп жатат. Ал мүлкүн конфискациялоо менен жети жылга чейин эркинен ажыратылышы мүмкүн.

ИИМдин басма сөз кызматы билдиргендей, милиция окуянын бардык жагдайларын аныктап, шектүүнүн башка опузалап акча талап кылуу эпизоддоруна катыштыгы бар-жоктугун текшерип жатат.

Сүрөт:Казакстан Республикасынын Ички иштер министрлигинин басма сөз кызматы