Соода-өнөр жай палатасынын вице-президенти Авазбек Керимбаев логистикалык жана транспорттук компаниялардын өкүлдөрү менен жумушчу жыйын өткөрдү. Бул тууралуу аталган уюмдун басма сөз кызматы билдирди.

Диалогдун жүрүшүндө чек арадан өтүү жана жүк ташууларды уюштуруудагы кыйынчылыктарга байланыштуу актуалдуу маселелер көтөрүлдү. Катышуучулар орун алган көйгөйлөрдү белгилеп, аларды чечүүнүн мүмкүн болгон жолдору боюнча пикир алмашышты.

Кыргыз Республикасынын Соода-өнөр жай палатасы логистика тармагындагы маселелерди мындан ары колдоого жана бизнес үчүн жагымдуу шарттарды түзүү үчүн ыйгарым укуктуу мамлекеттик органдар менен өз ара аракеттенүүгө даяр экендигин билдирди.