100 күндүк мамлекеттик тездеткичтин масштабдуу демилгелеринин алкагында Кыргыз Республикасынын Курулуш, архитектура жана турак жай-коммуналдык чарба министрлиги курулушка уруксат алуу мөөнөтүн өзгөртүүнү билдирет.

• Жалпы механизм боюнча меенет 180ден 60 жумушчу кунге чейин кыскартылды.
• Жөнөкөйлөштүрүлгөн механизм боюнча мөөнөт 90дон 30 жумуш күнүнө, айрым учурларда 20 жумуш күнүнө чейин кыскартылды.

«Экологиялык экспертиза жөнүндө» Кыргыз Республикасынын Мыйзамына ылайык айлана-чөйрөгө олуттуу таасир этүүчү объектилерди кароонун мөөнөттөрү төмөндөгүдөй белгиленет:

• I даражадагы кооптуу объекттер үчүн – 40 жумушчу күнгө чейин.
• II даражадагы кооптуу объекттер үчүн – 20 жумушчу күнгө чейин.
• III кооптуу даражадагы объекттер үчүн – 90дон 10 жумуш күнүнө чейин кыскартылат.

Көпчүлүк курулуш долбоорлору кооптуулуктун III даражасына киргендиктен, экологиялык экспертизанын мөөнөтүн 10 жумушчу күнгө чейин кыскартуу инвестициялык жана инфраструктуралык долбоорлорду ишке ашырууну кыйла тездетет.

Мындан тышкары, Кыргыз Республикасынын Өзгөчө кырдаалдар министрлиги тарабынан өрт коопсуздугунун экспертизасын өткөрүү мөөнөтү бекитилди: биринчи баалоо үчүн 14 жумушчу күн жана кайталап баалоо үчүн 10 жумушчу күн.