Кыргызгидромет аба ырайына байланыштуу шашылыш билдирүү таратты.

Маалыматка ылайык, 3-июлдан 5-июлга чейин күндүз абанын температурасынын акырындык менен жогорулашы менен аномалдуу ысык аба ырайы күтүлөт.

Чүй өрөөнүндө абанын температурасы күндүз 35…40°, Ош, Жалал-Абад, Баткен облустарынын өрөөндөрүндө 36…41°, Талас облусунда 33…38° жылуу болот.

Мындай кургак жана катуу ысыкта суусуздануу жана ысык соккудан сактануу үчүн күндүз ачык күнгө чыгууну чектөө сунушталат. Дыйкандарга дагы эгиндерин аяр сугарууга кеңеш берилет.