2025-жылдын 29-июлунда 23 000 кг кургатылган өрүктүн биринчи партиясы Кыргыз Республикасынан Кытай Эл Республикасына ийгиликтүү жөнөтүлдү. Бул тууралуу Айыл чарба министрлигинин басма сөз кызматы билдирди.

Экспорт Кытай Эл Республикасына ташып келүүгө уруксат берилген айыл чарба продукциясынын тизмесине кургатылган өрүктү киргизүүнүн, ошондой эле Кытай Эл Республикасынын Башкы бажы башкармалыгынын CIFER маалымат системасында ата мекендик кайра иштетүүчү ишкананы ийгиликтүү каттоонун негизинде ишке ашырылган.

Жеткирүү Кыргыз Республикасынын ыйгарым укуктуу органдарынын максаттуу жана координацияланган ишинин натыйжасы болду, ал Кытай тараптын санитардык-карантиндик талаптарын сактоону, ошондой эле көзөмөлдөө механизмдерин ишке ашырууну, продукциянын коопсуздугун жана сапатын ырастоону камсыз кылды.

Продукцияны даярдоодо бардык белгиленген фитосанитардык жол-жоболор сакталат, анын ичинде лабораториялык текшерүүлөр, фитосанитардык сертификатты тариздөө жана карантинге алынган зыянкечтердин бар-жоктугун текшерүү.

Бул жеткирүү Кыргызстандын жашылча-жемиш азыктарын Кытай рыногуна жылдыруудагы маанилүү этап болуп саналат жана экспорттун көлөмүн андан ары көбөйтүүгө, продукциянын ассортиментин кеңейтүүгө жана Кыргызстандын ишенимдүү соода өнөктөшү катары позициясын бекемдөөгө перспективаларды ачат.

Кыргыз Республикасынын Суу чарба, айыл чарба жана кайра иштетүү өнөр жай министрлиги экспортту өнүктүрүү жана Кытай тарап менен болгон кабыл алуу жана текшерүү процедураларынын алкагында кызматташууну тереңдетүү курсуна берилгендигин ырастайт.