Бүгүн, 2025-жылдын 14-апрелинде кол коюлган Кыргыз Республикасы менен Бириккен Араб Эмираттарынын (БАЭ) ортосунда айдоочулук күбөлүктөрдү экзаменсиз өз ара таануу жана алмаштыруу боюнча өкмөттөр аралык макулдашуу күчүнө кирди. Эми БАЭде мыйзамдуу жашаган Кыргыз Республикасынын жарандары кошумча окуудан жана сынактан өтпөстөн, улуттук айдоочулук күбөлүктөрүн БАЭ лицензияларына алмаштыра алышат. Ушундай эле мүмкүнчүлүк Кыргыз Республикасында жайгашкан БАЭ жарандарына да берилет. Белгилей кетсек, бул келишимдин максаты жарандардын кыймылын жөнөкөйлөтүү, эки өлкөнүн мамлекеттик органдарынын ортосундагы ишенимди бекемдөө жана транспорт жана жол коопсуздугу жаатында кызматташууну өнүктүрүү болуп саналат.Алмашуу үчүн керектүү документтер: – БАЭдеги Кыргызстандын жарандары үчүн:1. Кыргыз Республикасынын жаранынын паспорту; 2. БАЭде жарактуу жашоого уруксат; 3. Улуттук айдоочулук күбөлүк; 4. Медициналык справка.– Кыргызстандагы БАЭ жарандары үчүн:1. БАЭ жаранынын паспорту; 2. Кыргыз Республикасында жашап турууга уруксаты; 3. Улуттук айдоочулук күбөлүк; 4. У-083 формасындагы медициналык справка. Белгилей кетчү нерсе, алмаштыруу учурунда улуттук айдоочулук күбөлүктөрдүн түп нускасы конфискацияланбайт. Кошумча маалыматты Кыргызстандын жана БАЭнин консулдук мекемелеринен алса болот.