Кыргыз Республикасынын Экономика жана коммерция министринин орун басары Искендер Асылкулов Жибек Жолу Коомдук илимдер академиясынын (СРАСС) делегациясы жана Кытай Эл Республикасынын бизнес чөйрөсүнүн өкүлдөрү менен расмий жолугушуу өткөрдү.

Жолугушууда кытайлык делегация Кыргызстандын экономикасын туруктуу өнүктүрүү үчүн стратегиялык мааниге ээ болгон артыкчылыктуу долбоорлор жана багыттар менен кеңири таанышты. Өзгөчө көңүл фармацевтика, туризм, пахта жана жүн өнөр жайы, ошондой эле “жашыл экономика” жана энергиянын кайра жаралуучу булактары – Кыргызстан өсүү жана модернизациялоо потенциалын жигердүү түзүп жаткан тармактардагы кызматташууга бурулду.

Тараптар эки тараптуу кызматташтыкты тереңдетүү мүмкүнчүлүктөрүн, анын ичинде биргелешкен долбоорлорду ишке ашыруу, инвестиция үчүн жагымдуу шарттарды түзүү, соода-экономикалык байланыштарды чыңдоо маселелерин талкуулашты.

Жолугушуу конструктивдүү жана достук маанайда өтүп, Кыргыз Республикасы менен Кытай Эл Республикасынын ортосундагы туруктуу жана өз ара пайдалуу өнөктөштүктү мындан ары өнүктүрүүгө эки тараптын кызыкчылыгы баса белгиленди.