Улуу Британияга болгон жумушчу сапарынын алкагында Кыргыз Республикасынын Министрлер Кабинетинин Төрагасынын биринчи орун басары Данияр Амангелдиев Улуу Британиянын Тышкы иштер, Шериктештик жана Өнүктүрүү Бюросунун Мамлекеттик катчысы Стивен Даути менен жолугушту.

Жолугушууда тараптар кыргыз-британ кызматташтыгынын кеңири чөйрөсүн талкуулашты. Саясий, соода-экономикалык жана инвестициялык чөйрөлөрдө өз ара аракеттенүүгө өзгөчө көңүл бурулду. Мындан тышкары, айыл чарба, эмгек миграциясы, билим берүү, энергетика жана логистика тармагындагы өнөктөштүк маселелери талкууланды.

Данияр Амангелдиев Кыргыз Республикасынын Улуу Британия менен өз ара пайдалуу байланыштарын мындан ары тереңдетүүгө умтулуусун баса белгиледи.

Өз кезегинде британ министри Лондондун бардык тармактарда эки тараптуу мамилелерди мындан ары өнүктүрүүгө кызыкдар экенин билдирди.

Тараптар кыргыз-британ өнөктөштүгүн бекемдөөгө багытталган диалогду жана биргелешкен кадамдарды улантууну макулдашты.