Кыргызстандын транспорт жана коммуникация министри Абсаттар Сыргабаев Өзбекстандын транспорт министри Ильхом Махкамов менен жолугушту, деп билдирди КРнын Транспорт министрлигинин басма сөз кызматы.

Сүйлөшүүлөр 11-февралда Стамбулда Ислам Кызматташтык Уюмуна мүчө мамлекеттердин транспорт министрлеринин экинчи жыйынынын алкагында өттү.

Жолугушууда тараптар транспорт тармагындагы кызматташтыктын актуалдуу маселелерин талкуулашты. Атап айтканда, Кытай-Кыргызстан-Өзбекстан темир жолунун курулушу боюнча маалымат алмашышты. Ошондой эле, эки өлкөнүн транзиттик потенциалын толук пайдалануу үчүн учурдагы тоскоолдуктарды жоюу зарылдыгын белгилешти.

Ошондой эле, катышуучулар Кыргызстан аркылуу Пакистанга жүк ташуу маселелерин, ошондой эле өзбек айдоочулары үчүн виза маселелерин талкуулашты.

Сүйлөшүүлөрдүн жыйынтыгында тараптар пайда болгон маселелерди тез арада чечүү жана кызматташууну улантуу жөнүндө макулдашышты. Жолугушуу достук маанайда өттү.