Шанхай Кызматташтык Уюмунун Бизнес-форумунун алкагында КР Соода-өнөр жай палатасынын президенти Темир Сариев катышуучу өлкөлөрдүн соода-экономикалык байланыштарын кеңейтүүнүн стратегиялык багыттары менен тааныштырды.

Белгилей кетсек, ШКУга төрагалык кылуу расмий түрдө Кыргыз Республикасына өткөрүлүп берилди, бул ассоциациянын алкагында бизнес демилгелерди жана биргелешкен долбоорлорду илгерилетүү үчүн жаңы мүмкүнчүлүктөрдү ачат.

Өз сөзүндө Темир Сариев кызматташуунун негизги багыттарына токтолду:

1. Инфраструктура жана логистика. Кытай-Кыргызстан-Өзбекстан темир жолун куруу, Бедел чек ара бекетин өнүктүрүү, транспорттук-логистикалык борборлорду жана электрондук соода түйүндөрүн түзүү.

2. Өнөр жай кооперациясы. Айыл чарба азык-тулуктерун кайра иштетуу, тамак-аш жана женил енер жай, курулуш материалдары тармактарында монтаждоо жана кайра иштетуу енер жайларын локализациялоо.

3. Санариптик экономика. Электрондук коммерция, стандартташтыруу жана сертификациялоо үчүн бизнес үчүн ШКУнун бирдиктүү санариптик мейкиндигин түзүү.

4. Айыл чарбасы. Экологиялык таза продукцияны экспорттоо жана агрокластерлерди түзүү.

5. Жашыл экономика жана гидроэнергетика. Чакан ГЭСтерде биргелешкен долбоорлор, ирригацияны модернизациялоо, сууну туруктуу пайдалануу.

"ШКУ диалог аянтчасы гана эмес, келечектеги өнүгүп келе жаткан экономикалык блок. Кыргызстан ишенимдүү өнөктөш жана интеграциялык долбоорлор үчүн аймактык аянтча болууга даяр", – деп баса белгиледи Темир Сариев.

КР СӨП инвестициялык демилгелерди колдоого, B2B жана B2G жолугушууларын уюштурууга даяр жана Кыргызстандын ШКУга төрагалыгынын алкагында бизнести активдүү кызматташууга чакырат.