Өзбекстандын Улуттук статистикалык комитетинин маалыматы боюнча, 2025-жылдын биринчи жарымында өлкө дээрлик 30 миллион АКШ долларын түзгөн рекорддук 130,6 миң тонна дарбыз экспорттогон, бул өткөн жылдын ушул мезгилине салыштырмалуу 67,7%га өскөн.

Өзбек дарбыздарынын негизги импорттоочулары КМШ жана Борбор Азия өлкөлөрү. Кыргызстан жарым жылда 19 миң тонна жаңы дарбыз алып келип, сатып алуу көлөмү боюнча үчүнчү орунда турат.

Жеткирүүлөрдүн эң чоң көлөмү Россияга (66 миң тонна) жана Казакстанга (44 миң тонна) туура келген. Ошондой эле Өзбекстандан дарбыз Беларуска, Монголияга, Грузияга жана бир катар Европа өлкөлөрүнө жеткирилген.

Экспорттун көбөйүшү аймактагы жаңы мөмө-жемиштерге суроо-талаптын өсүп жатканын жана Өзбекстан менен Кыргызстандын ортосундагы соода алакаларынын чыңдалышын көрсөтөт.

Булак: caravan-info.uz