Бүгүнкү күндө Кыргыз Республикасында 52 кесиптик жогорку билим берүү уюмдары «Юриспруденция», «Экономика», «Менеджмент» багыттары боюнча адистерди даярдоого лицензия алышкан. Ушундан улам, акыркы жылдары жогорку кесиптик билим берүү программаларынын сапаты жана окутуунун бул багыттары боюнча квалификациялуу кадрларды даярдоодо көйгөйлөр пайда болду, деп белгилейт Билим берүү министрлиги.

Буга байланыштуу ведомство төмөнкү адистиктер боюнча: юриспруденция, экономика, менеджмент жана эл аралык мамилелер боюнча 1 жылдык мөөнөткө (2026-жылдын 1-сентябрына чейин) сырттан окуу бөлүмүнө абитуриенттерди кабыл алууга мораторий киргизүү тууралуу министрлер кабинетинин токтомунун долбоорун иштеп чыкты.

«Токтомдун долбоорунун максаты Кыргыз Республикасындагы жогорку кесиптик билим берүү чөйрөсүндөгү түзүлгөн кырдаалга байланыштуу кадрларды даярдоонун сапатын жогорулатуу болуп саналат», – деп эсептейт Билим берүү жана илим министрлиги.

Бул мораторий сырттан окуу бөлүмдөрүнүн кесиптик билим берүү программаларынын шарттарын жана талаптарын карап чыгууга, билим берүү программаларынын сапатын эл аралык стандарттарга шайкеш келтирүүгө жана материалдык-техникалык базаны жакшыртууга мүмкүндүк берет.