Кыргызстандын аймактарында Европалык иммунизация жумалыгынын алкагында иш-чаралар башталганын Республикалык иммунопрофилактика борбору билдирди. Ошону менен бирге ар кандай себептер менен эмдөөдөн өтпөй калган беш жашка чейинки балдарды эмдөөнүн Улуттук күн тартибине ылайык эмдөөдөн өткөрүү кампаниясы жүргүзүлүүдө.

Өлкө боюнча саламаттыкты сактоо кызматкерлери бир же бир нече вакцина албаган балдарды активдүү аныктоодо, жер-жерлерде түшүндүрүү иштерин күчөтүүдө, ата-энелер жана камкорчулар менен түшүндүрүү иштерин жүргүзүүдө.

Акция өлкөнүн бардык аймактарын, анын ичинде алыскы жана барууга кыйын болгон калктуу конуштарда көчмө эмдөөлөрдү камтыйт. Маалыматтык сессиялар, ата-энелер жамааттары менен жолугушуулар, жергиликтүү пикир лидерлеринин жана жарандык коомдун өкүлдөрүнүн катышуусунда медиа иш-чаралары да өткөрүлүүдө.

Саламаттыкты сактоо министрлиги бардык ата-энелерди эмдөөлөр тууралуу маалымат алуу жана эмдөө алуу үчүн жакынкы медициналык мекемеге кайрылууга чакырат.