2025-жылы Кыргыз Республикасындагы 13333 аз камсыз болгон үй-бүлөгө жакырчылыктан кутулуу жана кирешесин жогорулатуу үчүн 150 миң сом өлчөмүндө социалдык контракт алуу мүмкүнчүлүгү берилет.

Социалдык контракт үй-бүлөлөрдү жеке бизнесин ачууга, көмөкчү чарбаны өнүктүрүүгө, ишке орноштуруу үчүн жабдууларды жана шаймандарды сатып алууга колдоо көрсөтүүгө багытталган. Келишимге ылайык, жарандар чарбаны туруктуу башкаруу жана өз алдынча кирешесин жогорулатуу үчүн колдоо жана тренингдерди ала алышат.

2025-жылдын 1-июлуна карата республика боюнча 1286 социалдык контракт түзүлгөн; үй-бүлөлөр кирешелүү долбоорлорду ишке киргизүү үчүн алынган каражаттарды колдоно баштады.

Социалдык контракты ишке ашыруу жакырчылыкты кыскартуу жана жарандардын өз алдынча иш менен камсыз болушун колдоо боюнча иш-чаралардын бир бөлүгү болуп саналат.

2024-жылдан тарта социалдык контракттын негизинде социалдык колдоо программаларынын катышуучуларына ишкердикти өнүктүрүү үчүн пайызсыз насыялар берилип келет. 1-июлга карата республика боюнча 149 жаран үстөксүз насыя алган.

Кошумча маалыматты Кыргыз Республикасынын Эмгек, социалдык коргоо жана миграция министрлигинин аймактык бөлүмдөрүнөн алса болот.